FADAR SHUGABAN KASA TAYI ALLAH WADAI DA LABARAN KARYA AKAN KIN MIKA MULKI GA GWAMNATI MAI JIRAN GADO

Fadar shugaban kasa tayi Allah wadai da  labaran kanzon kurege  da ke cigaba da karakaiina  a  kafafen yada labarai  a inda ake  yada labaran cewar Shugaba Muhammadu Buhari bazai mika Mulki ga zababbiyar gwamnatin farar hula  ba a inda ya ce  abin takaici ne Kuma abin  Allah wadai .

Shugaba Muhammadu Buhari ya ce  jaridar  Sahara Reporters na daga cikin wanda suke yada labaran karya domin a cewar sa mamallakin ta dan siyasa ne daga cikin abokan Yan takarar da suka Sha  Kaye a zaben shugaban kasar daya gabata . 

A cewar sa Tuni  gwamnati ta fara shiye shiyen matakin mika mulki.tare da kafa  Kwamitin rikon kwarya wanda ya kunshi wakilan gwamnati mai barin gado da mai jiran gado  wadanda ke yin taro a kusan kullum don tattara bayanan  shirin mika mulki ga gwamnatin Tinubu/Shettima.

Kwamitoci goma sha uku a matsayin na babban kwamitin, wasu da za su shirya atisayen soji da janyewa daga shugaba Buhari, ko dai suna kan aiki ko kuma nan ba da dadewa ba. Ya zuwa yanzu, komai na tafiya yadda ya kamata, kuma babu alamar wata matsala.