An shafe watanni Faransawa na bore akan garambawul ga dokar fansho a kasar.

Majalisar Dokokin Faransa na  shirin kada ƙuri’a don amince wa da yunkurin shugaba Emmanuel Macron na garambawul ga dokar fansho a dai dai lokacin da ake ci gaba da zanga-zangar kalubalantar wannan yunkuri da aka shafe watanni Faransawa na bore akai. 

Tuni dai kwamitocin Majalisar da aka kafa don bibiyar wannan doka suka bayyana amannarsu ga shirin na Emmanuel Macronda zai yi garamabwul ga dokar ritaya ciki har da kara shekarun ritaya daga 62  zuwa  64  duk  da  kakkarfar  zanga-zangar da kasarke gani tunbayan sanar da kudirin. 

Jiya laraba aka cika mako na 8 kungiyoyin kwadago na gudanar da kakkarfar zanga-zanga a sassan Faransar, boren dake gudana hade da yajin aikin sashin sufuri da dukkanin kamfanoni da ma’aikatun makamashi, sai da ialamu na nuna dukkanin wannan bore ya gaza dakile shirin na Macron bayan da Majalisa ke Shirin yi masa zaman karshe a yau alhamis.

Karkashin wannan kudiri na shugaba Macron ya dage alfarmar da wasu daidaikun ‘yan fansho ke samu bayan ritaya.