Hukumar EFCC za ta jibge jami’anta 200 a jihohin Kano da Katsina da jigawa a lokacin zaben gwamnonin

Hukumar yaki da masu yiwa tattalin arzikin kasa zagon kasa ta EFCC za ta jibge jami’anta 200 a jihohin Kano  da Katsina da jigawa a lokacin zaben gwamnonin da na ‘yan majalisun jihohi da za a gudanar a ranar Asabar

Kwamandan shiyya na jihar Kano Farouk Dogon Daji ya shaida hakan ga manema labarai a Kano a ranar Alhamis.ya na mai cewa za a tura jami’an  zuwa jihohin ne domin sa ido a rumfunan zabe domin hana siyan kuri u yayinda saura za a tura su filayen tashin jiragen saman a Kano da Katsina.

Dogon Daji ya kara da cewa matakin wani yukuri ne na Hukumar EFCC wajen tabbatar da sahihin zabe a shiyyar.

Kwamandan ya kara da cewa Hukumar hadin gwiwa da sauran hukumomin tsaro za su samar da kyakkyawan yanayi domin ganin jama’a sun kada kuri’a cikin lumana da kwanciyar hankali