Matacce ya Lashe Zabe a ƙasar Ecuador

Ɗan takarar magajin gari a ƙasar Ecuador, wanda aka kashe sa o i gabanin fara kaɗa ƙuri a a zaɓen, ya yi nasarar lashe zaɓen magajin garin birnin Puerto López.

Wasu yan bindiga ne suka harbe Omar Menéndez mai shekaru 41, a ranar Asabar bayan da suka kutsa ɗakin da yake ganawa da jami an yaƙin neman zaɓensa, kuma wani matashi ma ya rasa ransa a lokacin harin. 

Kawo yanzu dai Yan sanda na ci gaba da bincike domin gano waɗanda ke da hannu a harin. Sai dai da wannan sakamakon zaben da ya fito a yanzu ake sa ran wani mamba a jam iyyarsu ya maye gurbinsa a matsayin magajin garin.

An gudanar da zaɓen ne a lokacin da ake ci gaba da ƙaruwar rikice-rikice masu alaƙa da yan shaye-shaye a ƙasar.

Ba mista Menéndez ne kaɗai ɗan siyasar da aka kashe gabanin zaɓen ba. Makonni biyu da suka gaba ma an harbe tare da kashe ɗan takarar magajin garin Salinas, Julio César Farachio.